Prevention of Corruption Act, Special Judge HTC Lalrinchhana’n India leh Bangldesh ramri hungna tur atana sorkarin mimal ram a laksakah Land Settlement Certificate, LSC lem hmanga zangdawmna la mi 23 te thiamloh a chantir.
Kum 2007 khan ramri hungna siam hna hi kalpui niin LSC lem 35 hmangin zangnadawmna la an awm tih hriatchhuah a ni a. He thubuai hi Central Bureau of Investigation, CBI chuan chhuin hetih hun laia CADC Revenue Officer Ranga Mohan Chakma chu LSC lem pechhuak tu berah puh a ni a. CADC hnuaia Surveyor pahnihte nen inthurualin ram lak ngai tur hming list pawh diklo taka siama puh anni a. He thubuaia LSC pekchhuah ho hi sorkar pisa chawlhni a pek vek ni a tarlan a ni bawk.
He thubuaia thiamloh chantir te hi bail a chhuah lailawk anlo nih tawhna chu sut a ni a. Lung In ah khung nghal turin court chuan an chungthu a rel a ni.
