Luidung bawlhhlawh nasa

Aizawl 23 May, 2022 : Tunhnai ruahsur nasa vang khan Kolasib District chhung Hmarchaltlang kai, Tuirial lui ah bawlhlawh hnawl leh plastic bur ruak tam tak a len chhuah hmuh a ni a, hei hi social media lamah thehdarh a ni.
Hetih mek lai hian Mizoram Chief Secretary Renuka Sharma hovin Chief Secretary Conference Hall atangin Mizoram chhunga District hrang hrang thuneitute chuan kan bawlhlawh hrang hrang te sawngbawl dan tur (Solid Waste Management) chungchangah biakhmuh hlatna (Video Conferencing) kaltlangin an nei a. He inbiakhmuh hlat theihna kaltlang hian Kolasib atang DC John LT Sanga hovin DC Office atangin an chhim a ni.
Thudawn danin District hrang hrang ten bawlhlawh an sawngbawl an kalpui dan leh harsatna an tawh te sawi a ni a. Kolasib Distrcict chu Aizawl tih lohah Solid waste Management Centre nei hmasa ber an nih thute sawi a ni a, hetihrual hian bawlhhlawh tihral theih loh paihkhawmna tur hmun (Land Filling) tura an ruahman chu Forest Dept lam atanga Environment Clearance neih a la nih loh avanga harsatna an tawh thute sawi lan a ni a, thawktu indaih loh thute pawh sawi a ni bawk.