Aizawl March 31 : Chief Minister Pu Zoramthanga chuan tukin khan Lunglei by-pass road siamna tura ruahman chu Sazaikawnah kalin a en pui. Agriculture Minister Pu C. Lalrinsanga, I&PR Minister Pu Lalruatkima leh HPC Vice- Chairman Pu Lawmawma Tochhawng ten an tawiawm a ni.
Lunglei by-pass road hi estimate siam tawh niin Chainage 147+200 Kmp of ATL Road to Sazaikawn tia project hming vuah a ni a, 22km bawr vela sei tura ruahman a ni a. Motor lian bungraw phurin khawchhung lut lo a khua pumpelh theihna tur a ni.
