Vawiin 25.8.2022 chawhnu 1:00 khan Mizo National Front Sub Hqrs Lunglei a Lunglei Municipal Council Deptt a Secretary te chuan Pi Vanthangpuii District Urban Development Officer chu a office District Urban & Poverty Alleviation Department Lungleiah hmuin Lunglei Municipal Council Office tur ruahman mekah hmalakna kaldan an sawipui.
DUDO sawi danin Convention Centre Lunglei Second basement Floor chu a pumpuiin Lunglei Municipal Council Office tur atan chei that mek a nih thu sawiin September 2022 thla chawhma lamah peih hman a nih a rin thu sawiin peih fel a nih hunah Hon’ble Deputy Chief Minister in a hawn tur thu a sawi.
Lunglei Municipal Council office ah hawn a nih hunah CEO, Secretary, Superintendent, FAO, Assistant, UDC, LDC leh Group D, mi engemawzat chu Septt hrang hrang atangin pawh khawm an ni dawn a ni.
Mizoram sawrkar chuan LMC inthlan hi kumin 2022 chhung a neih hman a nih ngei theih nan chak takin hma a la mek a ni.
Mizoram sawrkar chuan LMC Chief Executive Officer atan Pu H.Lalhmingthanga.MCS Joint CEO.AMC ni mek chu a ruat a. Secretary atan Pu R.Vanrengpuia Addl DC Aizawl chu a ruat bawk.
