Vawiin 13th June, 2023 (Tuesday) hian Lalthangmawii, State General Secretary chuan Lunglei to Tlabung kawng siam mek chungchangah NHIDCL (National Highways & Infrastructure Development Corporation Ltd) Executive Director Pu Virender Kumar Jakhar chu a office ah a hmu.
Pi Lalthangmawii, State General Secretary, BJP Mizoram Pradesh chuan Lunglei to Tlabung kawngpui siam mek avanga mipui in harsatna an tawh ṭhin-ah NHIDCL Executive Director chu sawipuiin, Pi Thangmawii chuan Lunglei to Tlabung kawng laih mek chu a hmunah a tlawh thu leh Lunglei to Tlabung Kawngpui siam avanga motor hmanga inkalpawhna kawng ah harsatna an tawh te chu Executive Director hnenah hian a thlen a, fur a nih chhoh mek avangin he kawngpui hmangtute’n inkalpawhna kawnga harsatna an tawh te chu a theih ang anga siam sak tur leh motor tlan theih lohna lai leh kawng nal zual lai te, motor kal theih lohna hmun apianga JCB emaw duty tir a, a ṭul anga khualzin phur motor bakah ei leh in tur phur motor ten harsatna an tawh lohna tura duty siam turin a ngen a ni.
Pu Virender Kumar Jakhar, Executive Director hian Pi Lalthangmawii thu thlente chu lo enpui a, he kawng hmangtute’n harsatna an tawhna kawngah harsatna lian tham an tawh lohna tura hma an lak nghal tur thu lo hrilhin, Kawng chhe lai leh kawng nal laia motor tangte a ṭul anga lo ṭanpui turin JCB te duty tir an nih tur thu Pu Jakhar-a hian a lo hrilh a bawk a ni.
