MADC-ah INC leh MNF Sorkar siam vangin show cause notice pe dawn

Mizoram Pradesh Congress Committee President Lalsawta chuan nimin khan thuchhuah siamin MADC-a MDC thlannaah Party mal Sorkar siam thei kan awm loh avangin sawlamah Party indawr kualna a nasa tih kan hria a. Chutah chuan MADC Area-a kan Party pawh kan bâng bik lo tihte kan lo hriat avang leh, Party hotute ngaihdan hriat an duh thu sawlama kan hotuten an rawn thlen avangin PAC Meeting hmanhmawh kan nei nghal a. BJP nen emaw, MNF nen emawa Sorkar intawm siam chu tha kan tih loh thu kan hriattir nghal a. Hetiang hian ?um thum kan hrilh bakah, Press Statement pawh kan siam tawh a. Inthlan result hriat hma pawhin hetianga ‘Hung Council’ a awm chuan hei hi kan dinna turin PAC chuan a lo rel fel tawh nghe nghe a ni.
Mahse, heti chung hian Congress hruai Sorkar, CEM pawh Congress MDC ngei awmna Joint Congress – MNF Legislature Sorkar an siam thu kan hre ta mai a.
MADC Sorkar a piang hrim hrim hi thil lawmawm a ni a. Sorkara chanvo neitu zawng zawng leh Mara Ram mipuite pawh kan lawmpui bawk a ni.
Amaherawhchu, Party duhdan hre reng chunga MDCC-a kan hotute leh kan MDC ten hetianga Sorkar an siampui lui mai hi kan Party chuan a ngai thutak hle a. Loh theih lohvin ‘Show Cause Notice’ kan pek a ngai dawn a. Chumi hnu-ah kan hotute’n kan kal zel dan tur chu an la ngaihtuah ang.