Tum dang ang lo takin tun tum MADC election lo awm tur chu Mizoram leh India ram pumah ngaihven a hlawh hle mai a. A chhan chu National party lian 2 BJP leh Congress bakah Tualto party Mnf leh Zpm ten candidate nei vekin kil 4 a inbeihna ropui a thlen dawn vang niin a lang. He MADC inthlanpui lo awm tur chanchin hi Ddk, Lps, Zonet bakah Ldf, Jb cable Lunglei leh district danga cable news ah puan a ni deuh reng a, tin, National news channel Dd news Delhi, NDTV, Republic Tv te bakah Nagaland, Manipur, Sikkim, Tripura, etc Tv news ah pawh MADC election lo awm tur hi an puang ve deuh reng bawk.
Tin, Mizoram Chief Minister leh Minister ten campaign an rawn bei ngawrh hle a. Chutiang bawkin BJP aiawhin Union minister hial a rawn campaign a, Mizoram BJP hqrs leader te, Mpcc leader te leh Zpm hqrs Aizawl leader te pawhin Mara ramah campaign an rawn bei ngawrh hle bawk a, a lawmawm tak zet a ni.
Heti khawpa Mizoram leh India ram pum ngaihven hlawh kan lo ni tak avang hian Mara ram mipuite pawh kan fimkhur lehzual a ngai a, vote thlak hi ram rawngbawlna pawimawh tak a ni tih hre nawn leh ila, Mara ram rorel khawl sang bera thu tur atan chuan ‘ Ka lal duhom, ka zahpui lo’kan ti thei ngei tur mi tha leh fel, mi chak leh Pathian tih mi, ram leh mipui hmangaihtu dik tak thlang fuh ngei turin Mara mipuite lo inhmakhawsuih ila, May 5 ah vote nei zawng zawng te chuan abo abang awm lovin he ram rawngbawl hna pawimawh lutuk mai vote thlak hi i ngai pawimawh vek ang u aw.
