BJP Mizoram Pradesh chuan vawiin 18th April 2022 (Monday) chawhnu dar 1:00 p.m hian BJP Mizoram Pradesh Office Upper Republic ah inkhawmna hun neih niin, Pu R Vanramchhuanga State General Secretary in inkhawm kaihruaiin, Pu Vanlalhmuaka State President in Pu Lalrintluanga Hnamte, Bungkawn Vengthar chu BJP chhungkua ah lawm takin a lawm lut a, thusawina hun anei bawk.
Pu Vanlalhmuaka chuan BJP kan pung zel a, kan pung zel dawn bawk a, inlawmluhna hun pawh hi a tul hun apiangah kan nei mawlh mawlh zel dawn a ni a ti.
Mizoram ah hian BJP lo chu Sorkar tur an awm lova, Mizoram mipui rin ngam tur keini lo chu an awm lo a ni tih hi a chiang a ni. BJP thupui “Sabka Sath Sabka ka Vikas”, “Mitin in an chan vo an chang vek tur a ni” tih hi kan thupui a ni reng a, mizoram mipui te hian Sorkar atangin kan Chanvo kan chang thin reng em?tih hi kan in zawh angai a ni.
BJP chuan Mizoram mipui tan a kan hnathawh tur chu, Eng(Power) neilo te tana eng pek, Tui neilo tan a tui pek, In neilo te hnen a In pek, Lo neitu te tana hamthatna siam sak a, Kuthnathawktu te tana Pension Scheme PM Scheme kal tlanga siam sak, Mizoram khawtin inkalpawhna kawng siam that a, mirethei ten awlsam zawk a an chhawr theihna tur nan te, mipui mamawh a te ber thleng a pek hi BJP thil tum leh hnathawh tur ber anih vangin Mizoram ah pawh hei tho hi kan hna thawh tur a ni a ti.
Chuvangin State dangte hmasawnna hi kan awt ringawt tur a nilo va, Mizoram pawh hian State dangte hmasawnna neih ang hi kan nei thei a, India Hmarchhak ah pawh BJP Sorkarna a ding vek tawh a, BJP Sorkar tir tu te chu tun hma a Congress thin te, Party danga awm thin te an ni. Chuvangin tun hunah pawh hian Mizoram ah hian BJP Sorkar hi kan mamawh chu a ni a, chumi Sorkar siam tur chuan Congress Party te, MNF Party te, ZPM Party te, PC Party ten Party a an luh chhan leh an dinchhan chu Mizoram ah Development thlen tir a nih vangin, BJP nilo Party dang a awm te chuan Mizoram hmasawn kan duh vangin Development hna thawk thei tur tak tak chu BJP kan nih avangin BJP minla zawm vek ka ring a ni a ti bawk. Chuvangin Sorkar kan hrawn tawh leh Sorkar mek Party te bakah Party dang ten an tih theihloh tur hmanga mipui te min bumna tur laka in veng theuh turin Mizoram mipuite ka sawm che u a ni a ti bawk.
Vawiin vek hian BJP dinchampha pualin BJP Member thenkhat ten hmunhlui tlawha tihfaina hun hman a ni bawk.
