Peace Accord MNF Rerturnees’ Association (PAMRA) chuan thuchhuah siamin, “Tunlai hian ‘Mamuana PAMRA’ intiin, Social Media FB leh Whatsapp Group-ah te, Politician te leh mi thenkhat, Central YMA hruaitu lam thlengin sawiselna, beihna thu a Post thin a ni tih kan hriatin PAMRA chuan a ngai thutak hle a ni.
“He Mamuana PAMRA – in Social media a a thu Post thin hi, PAMRA General Headquarters chuan a hriatpui ngailo a, ama mimal thu leh hla a ni tih Zoram Mipuiten lo hria se kan ti a ni. Tun hnuah chuan Mamuana hian Social Media ah thu a Post-in Association hming (PAMRA) tilang tawh lova, ama hming pangngai hmang thin tawh turin PAMRA General Headquarters chuan duhsak takin a hrilh a ni.
“PAMRA hi Pawl zahawm tak, Non-Political Organisation anih avangin mimal nihnaa hman chi a ni lova, chuvangin Peace Accord MNF Rerturnees’ Association chuan a roh hle a, na takin a humhalh tlat a ni,” an ti.
