North East India Christian Council (NEICC), Shillong in ngenna Ni 3.7.2023 a a chhuah angin, North East India a Kristian Kohhran awm zawng zawngten nimin, Ni 9.7.2023 (Pathianni) khan Manipur State chhunga chi leh chi inkara buaina awm avangin Tawngtai rualna hun an hmang.
NEICC ngenna angin Kohhran hrang hrangte chu Tawngtai thupui thlan chhuah paruk hmangin an Tawngtai rual a. Manipur ah Pathian thiltih theihna a remna leh muanna a awm theih nan te, buaina avanga nunna chanta te chhungte tante, mahni chenna hmuna awm ngam lova, an sahimna zawnga raltlante tan te, Biakin halsaka Kohhran hruaitute leh Kohhran mipuite tante, Manipur-ah Christian-na leh Kohhran tih borala a awm loh nante a Tawngtai a ni.
Manipur buaina avanga Kohhran tinten Pathian kan auha kan tawngtai hunah hian Central YMA hruaitute chuan Raltlante tana Transit Camp an siam a awm mek mi 30 te chu Presbyterian Kohhran Mission Veng Biakinah an inkhawmpui a ni.
Nizan lama Raltlan inkhawmte hi nunau leh naupang te bakah puitling te an ni a, an zingah hian
Manipur Chandel District, Khodamphai khua a American Baptist church hruaitu Upa Phaikhosan kum 49 mi pawh a tel a ni.
Central YMA ten Ni 2.6.2023 atanga Central YMA Hall Tuikhuahtlang a Manipur Raltlante puala Transit Camp an siamah hian mi 512 tlu lut tawhin, heta tang hian Khawpui chhung Branch YMA 12 te hnenah an lo buaipuiin an lo enkawl rih turin an sem darh leh thin a ni.
