“Manipura kan unaute tawrhna hian minti rum a, Pathian hian Kohhran hote ṭawngtaina chhan nan Congress Party hi min buatsaih tlatin ka hria.” Eric. Zomuanpuia, LDCC Special Invitee.
Eric R.Zomuanpuia chuan “Kan ram hi a him lova, chuvang chuan kohhran hote kan tawngtai rual a ngai ta a ni tiin “Manipur state a kan unaute tawrhna hian min ti rum a, Pathian hian Kohhran hote Ṭawngtaina chhan nan Congress party hi min buatsaih tlat niin ka hria” a ti.
He thu hi vawiin a Congress Bhawan Lungleia Political session ah sawiin, tun dinhmunah hian party ṭhenkhat chu Kamrula, Majumdara te nen tualleng za in ṭhenkhat chu hotu 4/5 awmna a ni a, Congress party chu hruikhat vuanin kan awm mek a ni a ti. Kan tun dinhmunah hian kan ram dinhmunah hian kan lungawi em tih hi in zawt nawn fo ang u tiin hetihlai hian kan ram siam ṭha tur atana tho leh tura kan inbuatsaih mekna hi Congress party ropui na laitak a ni a ti. Pu Eric-a chuan kum 2016 Congress Sorkar lai khan State te zingah Mizoram chu Sorkar tha berah thlan a lo ni tawh tih sawiin tunah chuan hei hi kan dinhmun a ni tawh lova, amaherawh chu he dinhmun hi kan luah leh theih nan Congress Party Pu Lalsawta kaihhruai chuan Ṭang puihna hmangin Sorkar tha siam a tum leh ta a ni a ti.
Sanghlira Colbert Congress Sr. member pawhin thu sawiin tuntum Manipur buaina hi PM Narendra Modhi vang a ni tiin BJP tih chak a tumna hmanrua a ni a, amaherawhchu India rama Political Party zawng zawng chuan BJP leh Modi-a paihthla turin ruahmanna an siam mek a ni a ti.
