Vawiin khan CTI Sesawngah Mizoram Pradesh Youth Congress Committee (MPYCC) huaihawtin Martarte Lungphun kum 26-na champa hriatrengna ropui taka hman a ni.
Martar Lungphun champa vawi 26-na pual hian Martar Lungphun-ah hian MPYCC hruaitu hlui leh MLA ni mek ten pangpar an dah a.
Hemi hnu hian Volunteers Building CTI Sesawng-ah Martar Lungphun champha vawi 26-na pualin inkhawm buaisaih a ni a. MPYCC President hlui leh Martar Lungphun tur a sulsu tu Pu John Rotluangliana chuan thu sawiin, engvangin nge remna leh muanna kan neih kan th chuan, Congress vang leh a hun laia Chief Minister Pu Lal Thanhawla’n Chief Minister nihna a ken vang a ni, a ti a. Chief Minister thuthleng in ken hi thil har tak a ni tih kan hre vek a. Mizoram tan zofa te tan a remna siamtu Pu Lal Thanhawla hi theihnghilh chi a ni tawh lo a, sawi nep chi a ni lo a ti a.
Remna nena an lo haw hnuah pawh MNF party hruaitu ten martar te lung phun tum na an nei reng reng lo kha ngaituah na ti thui tak a ni, ati bawk.
CLP Leader Pu Zodintluanga pawh in thu sawiin, Sesawng CTI hmun a Martar Lungphun-ah hian Ram buai avanga nuna chan mi 1168 te hming ziah lan a ni a, Congress sorkar kha khatih hun lai khan lo piang lo phei se chuan tun a kan Lungphun a hming kan ziah let hi ziah an ngaih a rin hial thu a sawi bawk.
Pu Zodintluanga chuan, Congress thalai atanga in chher chhuak Congress mi leh sa tam tak an awm tawh thu sawiin, Minister leh MLA pawh thahnem tak an awm thu sawiin. Tuna congress hruaitu tam zawk hi thalai atanga chhuak an nih thu a sawi bawk.
MPYCC President Pu Laltawnliana pawh in thu sawiin, ram leh hnam tana nunna chan tate chu thangthar te thinlungah an dai tawh ngai dawn lo a, kan hre reng tawh dawn a ni, a ti a.
Kum 1997-a kan din Marterte Lungphun ah hian Politics a awm lo tih hi Zoram mipui ten min hriat nawn sak se ka duh a. Politics khelh nana Marterte hman chin chu thil tha lo leh thil tih chi loh a ni, a ti a.
He thlanlungah hian politics a tel miah lova MNF te ramhnuai atanga an rawn chhuah atanga kum 11 zet chhungin Martarte hriatrengna lung a awm lo a, kan ram tana Maichama an thisen hlu tak dahkhamtute tan Congress thalai te chuan he Lungphun hi an din ta mai a ni, a ti a.
MPYCC President chuan, thalai te chu rambuai laia nunna chan ta, hnam sipai te leh civil mite, an tawrh na leh inpekna hrerenga chawimawi thiam deuh deuh a pawimawh hle a ni, a ti bawk.
CTI Sesawng Martar Lungphun hi Martar te hriatreng na Lungphun hmasa ber a ni a, kum 1997, June ni 27 khan Mizoram Pradesh Congress Committee President Pu Lal Thanhawla’n a hawng a. Lungphun buaipuitute hi MPYCC niin, he lungphun hi kum tih tlawhin June ni 27 apiangin programme pawimawh tak an hmang thin a ni.
Martar Lungphun ah hian ram buai laia hnam sipai leh civil mi nunna chante hming vawiin thleng hian mi 1168 ziah lan a ni tawh a. Kum 2014 khan Martar Sergeant Lalhuha ruhro pawh phum a lo ni tawh bak a, report thar dawn a awm chuan hming hi ziah belh zel theih a la ni bawk.
