23rd State Taekwondo Referee Fresher & Refresher Course chu March ni 25 khan MATA Hallah zawh fel a ni a, Training zingah Vanlalhmangaihthangi, Armed Veng chu pakhatna a niin khuallian Dr. Lalbiakmawia Ngente fuihna thu sawiin a khar.
Ni hnih awh State Taekwondo Referee Course Training-ah hian Club hrang hrang 15 atangin referee 46 an tel a. Referee pass thar 15 awmin refresher course bei 26 an awm bawk.
Referee Course Training hi Master Joseph Thansanga, International Referee leh National Referee Remlalhlimpuia ten Theory leh Practical zirtirna an pe a. World Taekwondo Rules(Dan) thar ber January 2023 a an pawm thar an zirho a ni.
Referee course hi exam neiin Theory leh Practical hand signal bakah physical fitness te an exam a. A ti tha Top 5 te hnenah tanka fai leh truck suit an dawng a ni.
Referee exam ti tha 5 te chu;
1na- Vanlalhmangaihthangi, Armed Veng/SYS
2na- H.Vanlalfela, Armed Veng South/ Gidae TC
3na- Vanlalthlenga, Ramthar North/ATA
4na- Rualchhingi Ralte, Ainawn veng/SAI
5na- Pansy Rampanzeli, Chaltlang/Exodus School
Kharna inkhawm hi CH Vanhmingthanga, Vice President in a kaihruai a. Joseph Thansanga MATA GS in report pein Khuallian Dr. Lalbiakmawia Ngente in Referee Training hi a khar a. MATA President Prof.Rualkhuma Colney, K.Biakthianghlima Vice President, MOA leh Master VL Sawma Sr.Vice President ten hmanpuiin fuihna thu an sawi bawk.
