Maumual a chhungkaw chengte tui connection pe thei lo

Eight Mizoram Legislative Assembly thutkhawm vawiina zawhna leh chhanna hun tawp berah Public Health Engineering Department changtu, Deputy Chief Minister Tawnluia chuan Aizawl South I Bialtu MLA C. Lalsawivunga zawhna chhangin, Maumual a chhungkaw chengte chu tun dinhmunah tui connection pek theih ala nilo tih House a hrilh a, hei hi distribution pipeline la thlenloh vang anih thu leh pe turin ruahmanna a awm rihloh thu House a hrilh.
Zawhbelhna chhangin Deputy Chief Minister Tawnluia chuan Maumuala chengte chu sorkarin a ngaihthahlo a ti a, hetihlai hian PHE department lam atang chuan tui connection pek hi a remchan rihlo thu a sawi a ni.
Lawngtlai West Bialtu MLA C Ngunlianchunga zawhbelhna chhangin Tawnluia chuam Jal Jeevan Mission, JJM hnuaiah GI pipe hmang vek turin hun engemaw ti chhung chu sum lamah harsatna a awm tih a sawi a, plastic pipe sem nual anih hnuah tunah hian GI pipe hman a ni leh tawh tih a sawi a ni.
Public Health Engineering Department changtu, Deputy Chief Minister Tawnluia hian Champhai North Bialtu MLA Dr. ZR Thiamsanga zawhbelhna chhangin, Kei lung liah chu tui thianghlim intur atan nilo, khualzin hipnan khuah a nih thu House a hrilh a, Zote leh Tualchenga tui dahkhawlna tur, Water Reservior siamna tur pawh enchian leh tur anih thu a sawi bawk a ni.