Mizoram Board , School Education (MBSE) chuan vawiin chhun dar 12 khan Higher Secondary School Leaving Certificate (HSSLC) Examinations 2024 result a tichhuak a, firlai exam 12,105 zinga 9817 (81.10%) in an pass. Nikum aiin pass percentage 3.06 in a tha zawk. HSSLC 2024-ah zirlai exam 11,824 zinga 9,227 hlawhtlingin, pass percentage 78.04% a ni.
HSSLC pass thar 12105 zinga 701 chu distinction-ah an pass a, first division-ah zirlai 3.250, second division-ah 3,970 leh third division-ah 1.896 an pass. Compartmental chance nei 91 an awm. Zirlai 2,197 chu an fail. Arts-ah exam hmachhawn 8,658 zinga 6,938 (80.13%) in an pass a. science-ah zirlai 2798 zinga 2,396 (85.63%) leh commerce-ah 01% 649 Zinga 483 (74.42%) in an pass a ni.
Mizoram Board of School Education (MBSE) hnuaia HSLC leh HSSLC exam-ah topper nive ve thei an awm a, pakhat zawk chu vawiin HSSLC result chhuaka science subject-ah topper Cynthia Lalhlupuii Shangpliang d/o Kyrshanbor Shangpliang a ni.
Cynthia Lalhlupuii Shangpliang u Simon Lalremsiama Shangpliang hi kum 2020 khan HSLC topper a ni a, hemi kum hian topper pathum an awm. Kum 2022 ah HSSLC science subject-ah amahin topper a ni leh. A nau Cynthia Lalhlupuii Shangpliang hi HSLC 2023 ah topper a nih hnuah a u hnung zuiin HSSLC science subject-ah topper a rawn ni ve leh a ni.
MBSE-in HSSLC result a tihchhuah chungchangah hian School Education Minister Dr. Vanlalthlana chuan, Mizoram Board of School Education (MBSE) buatsaih HSLC Examination 2025 result vawiin April ni 29, 2025 tihchhuah a ni ta chu lawmawm a tih thu a sawi a. HSLC Exam result a hun taka chhuah a nih theih nana thawktute, MBSE officer leh staff-te, zirtirtute leh thawktu dangte thawhrimnaah lawmthu a sawi a, an tanrualna avangin result lawmawm tak kan hmu a ni, a ti.
Minister chuan HSLC result tihchhuah takah zaa 76.68 zet an pass thei chu lawmawm a tih thu leh, kum hmasaa passed percentage zaa 73.37 khum a ni chu a lawmawm hle a ni, a ti a. Zirlai hlawhtlingte chu thinlung taka a lawmpui thu a sawi a. An kal zelna turah ram tana chhawr tlak hlawhtlinna paw chhuak ngei tur leh ram leh ram hmangaihna rilru nena lehkha zir zel tura a duhsak thu a sawi.
Education Minister chuan school 107 zetah an candidate neih zawng zawng an pass vek chu lawmawm a tih thu sawiin, an thawhrimna leh tanrualna hi a chhuanawm hle a ni, a ti a. Hun lokal zel turah pawh result duhawm tak neih chhunzawm zel turin duhsakna a hlan a. School 13-ah an candidate-te an fail vek chu pawi a tih thu leh heng school-te hian hmasawnna paw chhuak turin theihtawp chhuah se a duh thu sawiin, zirlaite leh nu leh pate tibeidawngtu ni lo tura a duh thu a sawi bawk.
