Chief Minister Zoramthanga chuan vawiin khan sawrkar laipuia Finance Minister Nirmala Sitharaman chu a pisa ah hmuin Mizoram sum dinhmun leh thu pawimawh dang hrang hrang an sawidun.
Chief Minister chuan Union Finance Minister hnenah hian Mizoram dinhmun tlangpui sawipuiin, sum lama harsatna neihte a sawipui a. Myanmar buaina avanga raltlan rawn lut leh a kaihhnawih hrang hrang sawipui bawkin, chung zawng zawnga sawrkar laipuiin hmalakpui a mamawhna te a thlen a ni.
Nirmala Sitharaman chuan tha taka lo dawngsawngin, theihtawp chhuahsak a tum thuin a chhang a. PM-Devine hnuaia Bamboo link road pilot project leh scheme dang dang ah Mizoram chu an lo duhsak tawh thin dan leh, state hmasawnna atan theihtawpa tanpui zel a tum tur thu a hrilh a ni.
