Vawiin tlai dar 4:00 khan General Election to Mizoram Legislative Assembly, 2023 atana Independent-a Serchhip Assembly Constituency-a ding Pu Ramhlun-Edena leh a Election Agent Pu Lalremmawia te chu Media Cell, CEO Office-ah koh niin Member te’n tunhnaia Election kaihhnawih a Social Media leh Chanchinbu kaltlanga thu thehdarh chungchangte bakah Dan leh hrai chungchangte an sawipui.
He hunah hian CEO Office Media Cell Member-te chuan vote thlak chungchanga Media kaltlanga Pu Ramhlun-Edena thu sawiin mipuiah nghawng tha lo a neih theih dante tarlangin ngenna an siam a; an ngenna ang hian vote thlak chungchanga thuchhuah/thusawi tawh loh an remti a ni.
