Aizawl, April 4: Vawiin khan Convention hall, Tourist Resort Reiek ah Mission Foundation Movement chuan Reiek RD Block huam chhunga Organic Farming Project an kalpui atanga Beneficiary thlanchhuah mi 75 te hnenah tanpuina atan – Thlai chi heng Sweet corn (vaimim), Bean leh bawrhsaiabe te sem a ni a, Chem, Bawngtuthlawh, Suahdur leh Tui pipe bakah pawisa fai Rs 3000 theuh tanpuina hlan an ni a, Thlasik thlai chi la sem leh tura ruahman a ni. Bialtu MLA Pu Lalrintluanga Sailo in tanpuina hi a sem a ni
Social welfare & Tribal Affairs Department leh Ministry of Tribal Affairs, Govt of India puihna in MFM hian he project hi kalpuiin, mumal taka survey hi neih a ni a,
SHG member atangin BDO chairman na hnuaiah Committee in tanpuina dawng tur hi a thlangchhuak a ni.
Beneficiary tura thlanchhuah te hian Agri sector a Specialist te atangin karkhat chhung leitha siam dan leh, Organic hmanga thlai chin dan leh enkawl dan zirtir a Training pek an ni tawh bawk.
Heng bakah hian SHG Group tha panga te hnenah Greenhouse 5m x 20m a zau pek an ni bawk.
He project in a tum ber chu SHG member ten thlai hrisel organic hmanga eizawnna ngelnghet an kalpui theihna tura ruahmanna siamsak a ni.
