Mizoram Merchant Association (MIMA) Gen. Hqrs. chuan thuchhuah siamin, “Kumtira 16th Finance Commission of India lo kal khan, Sairang to Kawnpui inkar kawng hi life line a nia, 2025 furpui lo thlen hmaa resurfacing tih anih loh chuan Essential Commodities phurtu lirthei tak ngial pawh a kal hleih theih loh kan rinthu thlenin, fur hmaa helai kawng a bika siamna tur pawisa min min pe a, min siam sak turin ngenna lehkha kan lo thlen a. Nikum 2024 pawh khan kawng hi tha taka siam turin Press Release kan lo chhuah tawh bawk.
“MIMA lo rinlawk ang ngeiin kawngah harsatna nasa tak kan tawka, Sumdawngte bungrua hrang hrang thla 2/1 kawng lakah tangkhangte pawh a awm tawha, thenkhatte bungrua phei chu chhia tam tak a awm phaha, a then chu Guwahati Transporters Godown lamah pawh phurh let a awm bawk. Iron and Cement a thlen theih loh avangin, Insa lak lawhte an chawl thuap a. Motor kal man Rs. 40000/50000 in a to a, a mangan thlak tak zet a ni. State dang atanga bungraw phurtu Driver leh Motor an khawngaih thlakin an lainat awm hle bawk. GST pek a ngaia, Dawr luahman leh kan mi chhawrte leh kan chhungkaw ei leh in nen alo ngai a. Sumdawngte kan mangang tak zet a ni.
“Heng kan manganna hi Sorkar hian ngaihtuahna tak tak hmanga, *ralpui phiar a phiara a theih ang ang pawisa pawh pawt khawma he kawng hi a chak thei ang bera siam turin MIMA chuan Mizoram Sorkar leh NHIDCL te a ngen tak meuh a ni e.* 1st August, 2025 atanga IOC, AOC lamin Mizoram a zin mite himna tur leh oil phurte himna tur ngaihtuah avanga petrole and diesel Mizoram a pek chhuah loh anih hmel lehnghal a. A mangan thlak tak meuh dawn a ni.
“Sumdawngte pawh Mizoram Mipuite ngaihtuaha, bungraw kal man a to hle rualin, thil man tito lova, a theih chinah titlawm hram turin kan inngenin nghal a ni e,” tiin an tarlang.
