MIMA-in Minimum wages barhluih duh lo

Mizoram Merchant Association (MIMA) General Hqrs. Executive meeting chuan, Shops and Establishments Act hmanga Minimum wages anga sorkara MR hlawh ang maia, Mizorama dawrkaite hman tura proposal, Cabinet meeting a thehluh a tum chungchang an sawiho a. He mi chungchang sawi hona Ni 4.7.2022 a State level Committee meeting-ah hian MIMA aiawh mi pa 4 telin, MIMA in an pawm loh thu pawh an sawi chhuak niin an sawi a. “Minimum wages anga hlawh bithliah saka sumdawngte mi chhawr, hlawh siamsak hi proprietorship-ah India ram State khawiah mah hmanna a awm lo a. Industries lian, Private Hospital, Insurance, Factory etc lianah te chauh hman a ni. Hetianga sumdawngte min barh luih an tum hi MIMA chuan a hrethiam lovin, a pawm thei lo a ni,” an ti.
MIMA chuan, “Hemi duh lohna chungchang hi Chief Minister bakah a theih ang anga thlen tum a ni a, Cabinet meeting pawhin COVID avanga sumdawngte tawrh dan leh harsatna mai bakah, State harsa ber kan nihna ngaihtuaha, pass lo turin MIMA chuan a ngen nghal a. Kan ngenna hi a hlawhtling lo anih chuan hma lak zel dan tur ngaihtuah leh tur a ni ang,” an ti bawk.