Mizo National Council (MNC) chuan thuchhuah siamin, “Kan unau leh thisen zawmpuite India, Myanmar leh Bangladesh a awm zawng zawngte vohbik chibai kan buk a che u.
“Min awptu Myanmar, Bangladesh leh India enkawlna hnuai ah keini unau ho te hi kan him lo em em a, kan in unau-na tichhe tur in min enkawltu ram te chuan hmalakna an kalpui zel a, kan chungah tawrhna leh thihna rapthlak tak an thlen tir mek a, kan nunna an lak mai piah ah kan in leh lo leh kan Pathian biakna in te thleng in min suasam sak hi MNC chuan na a ti in tawrhthiam har a ti takzet a, kan chunga tawrhna rapthlak tak thleng mek en hian in unau leh zual a insuaihkhawm a hmalam pan a thawk ho a kan hmelma kan chung a harsatna leh tawrhna thleng hi enliam mai lova do let a beilet turin unau zofa zawng zawngte thinlung takin kan sawm takzet che u ani.
“Tunah muanglei a kan chenna awm chhun leh kan in unau-na leh kan in pawh tawnna tichhe turin india sawrkar chuan an thuneihna hmangsual in leh min nekchep leh zual nan chuanlam ho te te hmangin kan zalenna Free Movement Regime ti tawp in leh Border Fencing siam tum in hmalakna an kalpui hi kan duh lo in a rang thei ang ber in heng a hnuai ami te hi sut a titawp nghal turin kan ngen takzet ani.
“Free Movement Regime a ti tawp hi sut leh nghal turin kan ngen a ni. Border Fencing siam a tum hi ti tawp in hma la chhunzawm tawh lo turin kan phut tlat ani, Myanmar atang a an ram buai avang a Mizoram leh hmung hrang hrang a rawn raltlan te Bio-Matric hmang a chhinchhiah tum a hmalakna hi tih tawp nghal tur in kan ngen nghal bawk a ni.
“Buaina nasa zawk leh harsatna lian zawk a thleng anih chuan a mawhphurtu chu India sawrkar ngei hi ani ang tih kan sawi duh a, buaina leh harsatna lian zawk a thlen loh nan heng kan ngenna leh phut te hi ti nghal turin India Prime Minister Modi-a leh Home Minister Amit shah te hi kan ngen in kan hriattir nghal ani.
“Hengte hi india sawrkar hian a kalpui zel anih chuan a tawp thleng in MNC chuan a do in duh lohna a lan tir dawn a ni,” an ti.
