Nimin June ni 16 tlai khan Lok Sabha MP Pu Richard Vanlalhmangaiha chuan Ministry of Tribal Affairs Secretary Pu Vibhu Nayar chu a Pisa ah kawmin Mizoram tana hmasawnna awm thei tur thilte leh Zirlai Scholarship chungchang an sawi dun.
MP Pu Richard Vanlalhmangaiha chuan Mizoram State chu a bik taka enkawl ngai an nih thute sawiin zirlai ten kum tina an dawn thin Tribal Scholarship rawn kal tlai thin chuan zirlaite ten harsatna tam tak a siam thin thu sawi in a hun taka zirlai ten Scholarship an hmuh theihna tura theihtawpa hmalakpui turin Tribal Affairs Secretary Pu Vibhu Nayar hi a ngen nghal bawk a ni.
MP Pu Richard a hian Mizoram chu Tribal ram a nih avangin Tribal Affairs Ministry chu an ta neih bik hle thu a sawi bawk a. A bik taka Mizoram chu enkawl a, State hmasawnna hna mai bakah a chhunga cheng mihring thlenga hmasawnna kawng awm thei hrang hrang ngaihtuahpui turin Secretary hi a ngen bawk a ni.
Tribal Affairs Secretary Pu Vibhu Nayar pawh zirlai Scholarship chungchangah te leh hmasawnna kawng awm thei kawng hrang hrangah theih tawp alo chhuahpui tur thu a hrilh a. Secretary hian Tribal Affairs Ministry hnuai a project leh Scheme hrang hrang awm thei te lo hrilh in Project te pawh a tam thei ang ber siam turin Pu Richard Vanlalhmangaiha chu a lo hrilh bawk a ni.
