May ni 19 (Thawhtanni) 2025 Congress party in Monday Devotion zawh hnuah political session Congress Bhavan Golden hall a neih chu Pu C. Lalpianthanga Gen.Secretary MPCC in a kaihruai a. Pu T. Sangkunga, ex-MLA leh Research Cell Chairman in thu a sawi.
Pu T. Sangkunga chuan Zoram mipuite hian ka hmuh dan chuan kil tinah congress sorkar kha an ngaiin ka hria, a ti a. “India rama politics lian ber chu leitha a ni. Union budget pharhah fertilizer ah subsidise a awm em tih ennghal a ni thin. Mizoramah chuan subsidy a awm tawh si lova, leitha te a to in kan lei a, loneitute an mangang em em a. Lei thaah ringawt pawh hian loneitute hian min au a ni.
“He sorkar-ah hian sorkar hnathawk te an inchhirin ka hria. Central DA a pun reng rengin, chutiang ang/mil chuan kan pe zel ang tiin Congress sorkar laia Pu Liansailova Finance Minister a nih lai khan order a chhuak a, Cngress sorkar kha chuan DA pekim vekin ka hria. Sorkar hnathawk hlawh hi mipuiin an chhawr ber. Sorkar hnathawk hlawh lakah mipui an lawm a. Sorkar hnathawk, mitinin kan chhawr te hlawh pek hi a pawimawh a ni.
“Kan sorkar hrawn mek hnuaiah hian Ran vulh tute an manang lutk. NLUP a trade thlanah ran thlang an tam lawrlak a ni. Tunah chuan kha’ng ran vulh thlang khuate kha a mangang ber ber an ni tawh. A chhan chu ran chaw an ti to chak lutuk a, bawnghnute man hi MULCO in a sang zawngin an revised ngai si lo, kan ran te talh mai kan hmabak a ni an ti.
“Congress sorkar lai kha chuan hmun tinah project sanction a chhuak nguah nguah mai a ni. Tunah hi chuan a awm reng reng lo. MNF sorkar atang khan pukbelh char char khan kan kal a, chhunzawmin a awm ta zel mai hi a pawi takzet. Project te hi tihchhuah a ngai, a ngaihna pawh hriat a ngai a ni.
Tuna kan kal hmangah hi chuan sorkar hnathawk an ni emaw loneitu, sumdawng an ni emaw pawisa leng vak a tlem na na na chuan buhfai tham report ah pawh a tlem tih a ni mai ang. Sum leng vak tlemah harsatna namenlo kan tawk mek a, kan la tuar dawn chauhin a lang.
“Loneitu ten pawisa dawn an nei tawh si lo, SEDP ah khan beitham em em an dawng a. Pawisa leng vak a tlem em em a, keini hunah kha chuan central a BJP an sorkar pawhin NLUP tur pawisa an rawn sanction tho. Pawisa leng vak awm lo lutuk hi ram tan a tha lo a ni. Chuvangin, mipui leh sorkar hnathawk te hian kan sorkar leh hun nghakin min au a ni,” a ti bawk.
