BJP Mizoram Pradesh chuan vawiin 16th September 2022 (Friday) hian BJP State Office Atal Bhawan ah Friday Political session neiin, Lallianzela, BJP Aizawl District President-in inkhawm kaihruaiin, Lalthangmawii, State Secretary, K Changliana, Executive Member te’n zin report an pe a, R Vanramchhuanga, State General Secretary-in PM Modi piancham puala midang tana luanchhuahna hun hman dan tur sawina a nei a, Vanlalhmuaka, State President-in thusawina hun a nei a ni.
Vanlalhmuaka chuan, “Mizoram Politics hi abuaithlak hle mai a thutak hian hmun a chang lova, dawt hi kan tuipui hle a ni. Thil tak tak kan ngaihtuah ngailova, kan nui nasa lutuk te hian thil tak tak kan ngaihtuahloh zia a ti lang chiang a, tunah pawh Mizoram chu CM ho hian kan nui hluah hluah a, nimahsela engmah nuih chhuah kan nei lo a ni. Kan nuih luih luih lai hian ṭhenawm state te chuan hmasawnna kawng an zawh mup mup thung mai a ni, kei chu kan ram ka ngaihtuah hian ka nui hleithei lo a ni. Kan ram hian, hruaitu tha ram hmangaih tak tak tu, ngaihtuahna seng tak tak tu kan mamawh tawh hle a ni,” a ti.
Vanlalhmuaka chuan, “Missionary nuaikhat tir chhuah aiin, Mizorama chhungkaw nuaikhat dinchhuah tir a ṭha zawk a, tih tur sawi ṭeuh a tih leh siloh hi engmah a nilo tih hi kan ram hian hre thar leh ang u. Tun hunah hian Mizoram hian kan Ram leh Hnam dinchhuahna tur tak tak kan ngaihtuah a ngai tawh a, BJP nilo Sorkar kan thlang lui leh tlat a nih chuan Mizoram hi hnungtawlh zawngin kan kal zel dawn tih a lang a ni a ti.
Kan Sorkar hrawn mek chuan Union Minister hnenah PMAY aṭangin 40% siam zawh tawh tih an report a, 60% an la zawh loh chu thlahnih hnu ah kan zo vang tih an report chuan, Kum li (4) chhung pawh a 40% chauh ti thei hian thla 2 chhunga 60% zawh kha Union Minister khan a ring lo hle a ni. Chuvangin kan ram hi mimal angin, chhungkua angin ngun taka kan inngaihtuah a ngai tawh takzet a, mahni tana chakai khawrh kan tih ang chiah hian Kum 2023 ah chuan mahni tan chakai khawrh ṭheuh turin Mizoram mipui chhungkaw tinte ka sawm che u a ni. BJP-in Sorkarna kan chang a nih chuan Thingtlang mi te, PMAY insak tanpuina la dawng lo te hnenah thla ruk chhung in PMAY aṭangin in kan sak sak dawn a ni, chutihrual erawh chuan an insakna tur sum tichingpentute erawh chuan an tihsual man an tawrh ngei theih nan CBI kan chhui tir dawn a ni,” a ti bawk.
