Mizo Engineer te mawhpuh hma in Bhavya Company au eih hmasa phawt turin MLA phut

Media Department: Lunglei District Congress Committee (LDCC) chuan thuchhuah siamin, “Dr Vanlaltanpuia Lunglei North bialtu MLA & MYC Chairman in Mizo Hnam run Lunglei a MNF Chhung inkhawm a a thusawi, MNF Sub.Hqtrs Lunglei ten Press Release siam sak a, Dt 17.10. 2022 a an rawn chhuah hi Dr Vanlaltanpuia hian a sawi sual nge, a sawi sual tih hrereng chungin MNF Sub. Hqtrs Lunglei hian Press Release an siam sak tih hi LDCC zawhna a ni.
“Lunglei North bialtu MLA, Mizoram Youth Commission Chairman Dr.Vanlaltanpuia hian Lunglei khawpui chhung kawng siamna tur Cheng Nuai 590 MNF Sorkar-in dahfel tawh anga a sawi leh Lunglei By Pass Road hna bultanna tur Congress Sorkar-in Cheng Vaibelchhe 10 a lo dah tawh engmahlo anga a sawi hi a zahtheihloh thlakin Lunglei mipuite hmusit naah LDCC chuan a ngai a ni,” an ti.
Thuchhuahah chuan, “Lunglei khawpui kawng siamtha turin Sorkar hian Contractor thlang fel tawhin Work Order pawh an pe ngei a, amaherawhchu kawng siamna tur sum hi MNF sorkar hian neilo in Central lamah Special Assistance a dil mek chauh a, Contractor hi ama sum hmanga lo thawk mai tura tih a ni tih hi Dr.Tanpuia MLA hian a hre pha ve lo nge ? hre reng chungin Lunglei mipui bum nan dawt a sawi. Dr.Vanlaltanpuia hian Lunglei khawpui kawng chhe lutuk siamna tur Cheng Nuai 590 hi MNF Sawrkar hian a dah a nih takzet chuan hnam dang ni lo, Mizo Contractor an thlan fel tawh hnenah sum hi pe thuai turin LDCC chuan a ngen nghal a ni.
“Hetihrual hian Lunglei By Pass Road hna bultanna tur Cheng Vaibelchhe sawm hi khawiah nge an dah a, engatan nge an hman tih hi sawi chiang zawk law law turin LDCC chuan MNF kaihhruai Sorkar hi a phut a, engmah thamlo an tihfo hi an fanghma no ei zo vek em ni tih hi LDCC zawhna a ni.
“Kawng chhiat lutuk avanga chhim lam mipuiten harsatna nasa tak kan tawh mek laia YMA thahnemngaihna a lo lanchhuah tak avanga an Sorkar hlima Congress kaihhruai Sorkar sum hman bang hmanga Kawng tha reilo tak an siam ve, mipui laka kawng chungchanga insawi mawina hi Dr.Tanpuia leh MNF Sorkar hian tiri fo ngam tur an ni lo a, Bhavya Company lakah hian engvanga huaisen tak aw chhuah thei lo nge an nih, Lunglei North bialtu MLA ngei hian MLA a nih tan tirh a ‘ka bial chhungah hna chhia a awm tur a ni lo’ a tih lai te kha va la rei lo em, hei bak baka hnachhia leh tlo lo hi a awm thei dawn em ni? Bhavya Company au eih thei lo rulling MLA hian hmaiphih fai nan Sorkar hnathawk Engineer te a mawhpuh daih zawk niin a ngaihtheih a, a ruaitu in a mi rawih Bhavya Company a thunun thei hmasa phawt lo anih chuan hetiang tawngkam hi chhuah tawh lo turin LDCC chuan a ngen a ni.
“Hetihrual hian Khawiva kawng siam tur a tih te hi khawiahnge Tender an chhuah, khawi pawisa in nge hna an thawh dawn tih hi sawichiang law law sela, MNF Sub.Hqtrs Lunglei lu pawh a tihai deuh lo maw tih hi LDCC ngaihdan a ni,” an ti bawk.