CMC Velore Mizo Association leh Velore Mizo Welfare chuan thuchhuah siamin, “February Ni 18, 2024 Aizawl atanga Vellore-a in-check-up-a kal tur Vellore lama dam lo hruaia awm mek Mizo vêkin damdawi kensak tur anga a chah No.4 (heroin) lo ni zâwk chu a kengtu turten Mizoram Excise and Narcotic lam an hrilh nghal a. Excise and Narcotic lam chuan chak takin hma an la nghal a, an chungah pawh kan lawm hle,” an ti.
Thuchhuahah chuan, “He thil thleng chungchang hi CMC Vellore Mizo Assocition leh Vellore Mizo Welfare chuan pawi kan ti hle a ni. Dam lohna avanga Vellore kal thinte hnam dang kara inenkawl kan ni a, hun lo kal zel turah hnam dangten hetiang zawnga min hmel hriat tur hi kan ngai ngam lo va, hetiang hi thleng nawn tawh lo se kan duh hle a ni. Tin, dam lohna avanga Vellore kal thin leh la kal zel turte pawhin mi thil thawn kan ken hmain eng thil nge kan kensak dawn tih finfiah hmasa thin turin kan inchah nghal a ni.
“Tunhnaiah Vellore tualchhung mite atangin Mizote zingah zu in thin, mi dang tana hnawksak an awm thu complain dawn a ni a, Vellore-a kal ṭhinte leh la kal zel turte pawh kan Mizo hming tichhe zawnga khawsa lo hram turin kan inngen bawk a ni,” an ti bawk.
