Generation Alpha leh Heritage te buatsaih Heritage Awards Men of Excellence 2022 chu Heritage Hub, Falkland-ah neih a ni. Hetah hian Heritage dincham vawi 9-na lawm a ni bawk. He hunah hian kawng hrang hranga Mizo Mipa chhuanawmte leh danglamna thlentute chawimawina neih a ni a. An vaiin mi 16 an ni a; an zinga 4 chu thih hnu a chawimawi niin; mi 12 te chu damlai an ni.
Mizo Mipa Chhuanawm Chawimawina hlante chu :
1. V. Thanga
2. Sainghinga
3. Chawngkhupa
4. Rev. C. Chanchinmawia
5. Commissioner Lalkiamlova
6. Rev. Vanlalbela
7. Rev. Dr. Lalchungnunga
8. Most Rev. Stephen Rotluanga CSC, DD
9. Rev. H. Lengluta
10. Rev. R. Lalrinsanga
11. Lieut. Colonel Lalramhluna
12. Rev. Ngurthanpara Sailo
13. Rev. T.C Laltlawmlova
14. Major J. Thanruma
15. Dr. Vansanglura
16. K. Lalngaihawma
He hun hi Angelina Paul chuan a kaihruai a. Captain Benjamin Lalhmingmawia, Zemabawk Bial Commanding Officer (C.O) in hunserh a hmang a; khuallian Pu TJ Lalnuntluanga, Minister for Environment Forests & Climate Change chuan kalkhawmte hmaah thusawiin; Mizote chuan insawisel ringawt nilo; infak leh intihphurtawn kan mamawh a; Mizote chu inchawimawi hnam kan nih i lantir zel ang u a ti. Minister chuan social media leh politics tlang chu insawiselna bawm emaw tih mai tura awm ta chu a vei hle tih sawiin; kan insawisel reng chuan Civil War kan hnaih palh ang tih a hlauhawm, a ti.
Chaltlang Corps Band chuan rimawi hmangin kalkhawmte an awi a. Ruth L. Hrangchal in lawmthu sawiin; Aizawl Bishop, Most Rev. Stephen Rotluanga CSC, DD chuan Malsawmna sawiin inkhawm hi a tin a ni.
