Vawiin 23rd March 2022(Wednesday) hian India ram pumah “Shaheed Diwas” puala hun hman niin, BJP Mizoram Pradesh pawhin he ni pual hian BJP State Office ah inkhawmna hun an hmang a, Pu K Laldinthara, BJP Spokesperson in kaihruaiin, Pu Vanlalhmuaka State President in thusawina hun a nei a ni.
Pu K Laldinthara chuan Shaheed Diwas hman chhan sawiin, Kum 1931 March 23 a British Rorelna “Simon Commission” a India mi tel ngei se ti a phut a, hma lalu te Bhagat Singh, Rajguru leh Sukhdev-a te chu Bristish ten an khaihlum na ni hriatrengna atan a hman a ni a ti.
Pu Vanlalhmuaka chuan India ramah ‘Martyrs’ Day’ pualin vawiin hian hun hman a ni a, Cleanliness Drive atan hman a ni bawk a, Pu Modi kaihhruai Sorkar hian nasa takin Cleanliness Drive( Faina Beihpui) thlak hi a ngai pawimawh em em a, a chhanchu Central ah Sorkarna kan chelh tirh khan, Faina hi ngaih pawimawh hmasak a ni. Sorkar Office luah tur te chu Kut Silfai in bul tan a ni. Chu chuan Kut bawlhhlawh, Corruption lakah a venna tur leh Corruption Free a awm theihna tur atana Kut thianghlim neih na tur a nih vangin angai pawimawh hle a ni. Chu chuan nasa takin India ram ah Corruption a tih tlem phahin Corruption nasa taka umbo ani a, chu chuan hmasawnna kawng a rawn hawng a, Mirethei te’n kan neih phak loh tur tam tak Central Sorkar atangin kan dawn phah thei ta a ni.
Vawiin ah hian Mizoram ah pawh BJP kan din chhan chu Mizoram hi “Clean Mizoram” tak tak kan nih theihna tur a hmalak hi kan tum a ni a, kan khawlai leh veng fai mai nilo, Corruption laka faina, hi kan ngaih pawimawh tur a ni. Mizoram ti thuanawptu chu Eirukna/Corruption hi a ni a, nimahsela Mizoram a Sorkarna chelh tawh te chuan Eirukna hi an do ngam lo vek a, an pui zawk a ni tih hi Mizoram mipui ten kan hre theuh awm e. Chuvangin Mizoram a Development tak tak a lo thlenna tur in Corruption/Eirukna hi a taka kan do a, a bul thut atanga kan haichhuah a ngai a ni. A zung nen phoro tih ringawt nilo, a taka dova, hmalak hi keini chuan kan tih tur a ni a, mi tupawh an thiltih sual man hmu tur hian tlailuat a awm dawn lova, “Jail Bang Zut” hmabak pawh kan awm nual mai thei a ni a ti.
Mizoram a Politician te chuan mipui hrelo zawkte lawm zawng leh thu tha tak tak an sawi thin, chumi beisei chuan mizo mipui tamtak an bum tawh a ni. Nimahsela vawiin ah hian Congress Party in “Thatloh theihloh na Bawm” an zuar mek a, nimahsela “That theih lohna Bawm” tih zawk tur a ni, India Ram State hrang hrangah Congress Party ten That theihloh na bawm atangin Thatloh theihlohna Bawm BJP an zawm avangin, an State ah chuan Hmasawnna a thleng zut zut ta mai a ni. Congress President hmasa Pu Lalthanhawla CM lai khan, ” Rorelna dik chu Luipui angin luang se,” tih Office Kawngka a an tar kha Pu Hawla hian kan Sorkar hun atan alo hmulawk a, Chuvangin Mizoram ah pawh Thatloh theihlohna Bawm tak tak chu BJP anih vangin Mizoram a Congress Party a thil tha duh te chu an la rawn lut ve vek ngei in a rinawm a ni, a ti.
Mizoram a MLA Election kan neih zawh tak ah khan Congress tihbo nan MNF kha Talhtum ah BJP chuan kan hmang a, kan tum kan hlawhtling tawh a, MLA Election leh hun 2023 ah chuan Pathian puihna in Mizoram ah BJP in Sorkar na kan siam ngei ngei dawn a. Sorkarna kan siam hun ah chuan “Clean Mizoram” tak tak khawlai fai mai nilo, Sorkarna Fai Corruption awmlohna kan siam dawn a ni a ti bawk.
Pu Hmuaka chuan Party thenkhatin Kalphung thar an tlangaupui a, nimahsela Kalphung Thar hi kan mamawh nilovin, Zirlai te’n an Syllabus ang a an zir chuan hlawhtlinna an neih ang hian Development kan tih pawh hi a Syllabus ang a kan kal mai hian hlawhtlinna a lo awm zawk a ni. Tuna Sorkar erawh Syllabus ang nilo, Mipui eibar zawnna kawnga chhawm dawlna tur atana Central in an duan Phul lem phah nan te a lo hman daih te, Sum a nihna lo tur a an hman thin avangin an thil tihah an fail phah ta a, Mipui in kawngtam takah kan tawrh phah ta a ni a ti bawk.
Vawiin Shaheed Diwas puala inkhawmna hun hman zawh a nih hnuah hian Kawngpui leh luikawr tifai a hnatlang neih chhunzawm a ni bawk.
