Aizawl, 22nd March, 2022 : Vawiin khan Mizoram Agriculture Service Association (MASA) chuan Tourist Lodge, Chaltlang ah General Conference Vawi 8-na an hmang a, Agriculture Minister Pu C. Lalrinsanga chuan khuallian niin a hmanpui a, Agriculture Secretary Pu J. Hmingthanmawia chu khual zahawm a ni.
He hun hmanpuitu Pu C. Lalrinsanga chuan thu sawiin MASA member te chu MASA din chhan, kut hnathawktu te tana hmasawnna thlentu nih hre reng turin a chah a, mipui tana thawktu tur Government Servant an nih hre reng turin a chah bawk. Department-ah thawktu indaihlohna a nasa em em a, thawktu lak belh chungchangah theih tawp a chhuah thu a sawi lang bawk a. MASA member te chu mipui te tana hamthatna nasa zawk thlen thei turin thawhhona tha nei turin a fuih bawk a ni.
Khual zahawm Pu J. Hmingthanmawia, IAS, Secretary, Agriculture Department pawhin thu sawiin tun hnaia Agriculture Department-in kawng hrang hranga hlawhtlinna duhawm tak tak a nei chho chu lawmawm a tih thu a sawi a, hmalam hunah hlawhtlinna thar chang zel thei turin MASA member te chu duhsakna a hlan bawk.
Agriculture Director Pu James Lalsiamliana, MAS, pawhin thu sawiin MASA member te chu thawktu indaihlohna nasa tak awm mahse an hnathawhna kawng hrang hrangah a thara tan la leh zual turin a chah a ni.
He hun Pu R. Lalnunzira, President, MASA kaihhruai ah hian Pu Lalrammawia, Secretary i/c Welfare chuan Member chatuan ram pan ta te sunna hun a hmang a hemi hnu hian Pu R. Vanlalchhuanga, Secretary General in Report leh felicitation of Chief Guest leh Guest of Honour te a nei a ni. Hemi zawh hian Member te zinga promotion hmu te lawmpuina leh Member thar lawmna neih a ni bawk.
Pu George Lalthanngura, Deputy Director chuan vote of thanks sawiin programme hi tihtawp a ni.
Mizoram Sorkarin The Mizoram Agriculture Service Rules, 2009 siam in Mizoram Agriculture Service hi kum 2010-a siam a nih atangin MASA General Conference hi neih thin a ni.
Agriculture Department-a Directorate pahnih, Directorate of Agriculture (Crop Husbandry) leh Directorate of Agriculture (Research & Extension) ti a hun rei tak Director hran ve ve nei thin chu Mizoram Sorkarin kum 2020 khan Directorate pakhat ah chhun finin Mizoram Agriculture Service pawh re-structured nghal niin Junior Grade atanga Supertime Grade thleng awm in sanctioned post 120 a awm a ni.
