BJP Mizoram chuan vawiin 9th June, 2023 hian Friday Political Session, BJP Mizoram State Office, Atal Bhawan Mipui Rûn ah neiin, K. Changliana, State Vice President-in inkhawm a kaihhruai a, Party Member te hnen aṭangin bial hmalakna Report ngaihthlak a ni a, Pu Vanlalhuma Kawlni, Mizoram Chhantu Pawl President-in BJP Office ah Manipur buaina chungchanga MCP hmalakna Report a pe a, Pu R. Vanramchhuanga, State Vice President-in thusawina hun a nei bawk.
Pu R Vanramchhuanga State Vice President chuan thusawiin, “Mizoram ah chuan uipui rilṭam ang maia, Politics hi ngai tamtak kan awm tak avangin Politics in a tum leh Politics nihna dik tak, Ram Development thlenna tur atana kalkawng a nihna chu Mizoram mipui te hian kan duham avang leh sum it na avanga kan ram kan ti thuanawp zo ta thin hi a pawi hle a ni,” a ti.
Pu Chhuanga chuan, “BJP Sorkar ah chuan PM Schemes hrang hrang te chu Party inthliar hrang miah lova a dawng thei tur dik tak mi retheite’n an dawn theihna turin State ah sum a rawn kal mai ṭhin a, nimahsela Mizoram ah erawh BJP Sorkar a nih loh vangin State-a Sorkarna chelhtu te’n an lo pawngsual ṭhin avangin vawiin thleng hian thingtlanga rethei tak tak PMAY Scheme kaltlanga mahni in leh lo ngei a cheng thei tur te’n an chanvo an chang thei ta lo chu a pawi takzet a, hei mai nilo hian PMAY Scheme State Sorkar chuan Central atanga an sum hmuh 100 aṭanga 40% pawh tling lo chauh mai mumal lo taka an hmang te hi a zahthlâk in Union Minister te’n Mizoram min hmuh dan ansawi thin hriat pawh a zahthlâk hle a, chuvangin heng zawng zawng hi BJP Sorkar na emaw, BJP telna Sorkar kan siam anih chuan mirethei ten an chanvo chan tur hrang hrang State ah leh Central Sorkar aṭangin an hmu ngei dawn a ni,” a ti bawk.
Pu Vanlalhuma Kawlni MCP President chuan, “Mizoram Chhantu Pawl (MCP) chu Mizoram leh Hnam himna tur atana Voluntary-a ding kan ni a, tunhnaiah Zohnahthlâk Manipur-a awm te’n Communal Violence thlen avanga harsatna an tawk hi pawi kan ti hle a, Manipur CM in India Danpui zah lova, Democracy palzut-a, Hleih nei taka ro rel a, a ram chhunga chengte ngei Zohnahthlâk kan unau te nghaisak an ni hi, na kan tiin kan duh loh zia lan tir nan leh heng harsatna te hi tih tawp a nih theihna turin Manipur State-a buaina chhuaka a bul tumtu Manipur Chief Minister N. Biren Singh lim kha hal kan ni a, a lim halna vap pawh kan la dah tha in, Central Sorkar hmalakna ngai chang chungin theih tawp chhuah a hmalak zel kan tum dawn a ni,” a ti bawk.
