Mizoram Social Defence & Rehabilitation Board, Social Welfare & Tribal Affairs, Government of Mizoram buatsaih ‘2 days Regional workshop on Substance abuse prevention’, ni hnih (2) chhung awh tur chu vawiin 7th March, 2024 (10:00 AM) khan MSD&RB Training Hall ah tan a ni a. He Workshop ah hian Mizoram chhung YMA Branch hrang hrang aiawh mi 20 leh Mizoram pawn Zampui tlangdung, Tripura aiawh mi 4 te an tel a ni.
He Workshop-ah hian kan rama dan lova Ruihhlo tawlhruk (trafficking route) te, Ruihhlo-in mihring taksa/thluak a nghawng dan leh Ruihhlo ngaite enkawlna chungchang-te chipchiar taka zir a ni a, members kalkhawm-te hi mahni awmna veng/khua theuhvah kohhran leh khawtlang/YMA ah te zirtirna pe thei tura beisei an ni.
kan mithiam (resource person) Dr Ruth Lalmuanpuii Psychiatrist, Pu Peter Zohmingthanga, Joint Commissioner, Excise & Narcotics Department leh Dr. R.L Sanghluna Superintendent, Synod Hospital Durtlang ten Ruihho chungchanga kan hriattur pawimawh te inhrilhhriatna hun an hmang a, sawihona (discussion) hun te neihpui-in members kalkhawm ten hlawkthlak an ti hle a ni.
Ni 8th March, 2024 hian K-Ward, Synod Hospital Durtlang-ah damlo (Ruihhlongai) te enkawl dan a hmun ngeiah Dr. R.L Sanghluna Superintendent, Synod Hospital Durtlang chuan zirtirna te a pe dawn a ni.
