Ni 09.11.2022 khan Mizoram District tinah (District 11) Draft Electoral Roll, 2023 tarchhuah a ni a, Draft Electoral Roll en dun chuan mahni bialtu ERO/AERO/BLO hnenah emaw, DC/DEO Office-ah emaw, CEO website – https://ceo.mizorom.gov.in/ah en theih a ni. District tina Draft Electoral Roll, 2023 a voter awmzat chu hetiang hi a ni –
Election Commission of India chuan Electoral Roll a inziak lut turin Qualifying date kum khat (1) atan vawi li (4) hetiang hian a siam thar a – January ni 1, April ni 1, July ni 1 leh October ni 1. Kum 2023 a heng ni engemaw ber a kum 18 tling hman tur, India khua leh tui diktak te chuan ni 08.12.2022 thlengin mahni bialtu ERO/AERO/BLO hnenah Electoral Roll a inthun luh dilna thehluh theih a ni a. Dilna hi https://nvsp.in/, https://voterportal.eci.gov.in/ leh Voter Helpline App atang te in thehluh theih a ni bawk. An dilna te pawmsak an nih chuan an Qualifying date thlen hunah Electoral Roll ah ziahluh an ni ang.
Tunah hian Mizoram pumah Polling Station 1267 a awm mek a ni.
