Mizoram Police-in DP Rifle 50 hlan

Vawiin khan Mizoram Sawrkar ruahman angin Mizoram Police-te .303” Drill Practice (DP) Rifle 50 (sawmnga) chu Sainik School, Chhingchhipa NCC Cadet-te hman atan Sainik School, Chhingchhip hnenah hlan a ni. He programme hi C. Lalnunmawia, DIGP (Armed)-in kaihruaiin, Devesh Chandra Srivastva IPS, DGP, Mizoram chu Khuallian a ni a. DP Rifle inhlan chhawnna lehkha hi John Neihlaia IPS, IGP (Hqrs.), Mizoram leh Wing Commander Shahul Hameed, Principal, Sainik School, Chhingchhip ten hming an ziah hnan a, Khuallian hian DP Rifle-te chu Principal, Sainik School, Chhingchhip hnenah hian a hlan a ni. He programme ah hian Mizoram Police-a IGP, DIGP leh Aizawl chhunga SP chin bakah, Police Headquarters leh MPRO complex, Aizawla Inspector chin chunglam te an kal a ni.