Vawiin ni 30.04.2024 zing dar 4:00 khan Hnahthial Police Station staff-te chuan lirthei Sumo MZ 01AA – 3655, H. Ramropuia, kum 27, Sangau khua-a mi khalh lo tidingin phalna nei lova an phurh geletin sticks – 8000 leh detonators – 1500 an man. An thiI man hi Aizawl khaw dai atanga Sangau, Lawngtlai district-a dah tur nia hriat a ni a, Hnahthial Police Station-ah Cr. No. 19/24 u/s 5(a) Explosive substances Act thubuai ziah luh a ni.
An thil man hi Sangau atangin Myanmar-a la thawn leh tur nia hriat a ni a. Police hian an mi man thu zawhfiah an la duh vangin darkar 72 kawl dilna an buaipui nghal a. An thil man neitu nia puh Straliana, Bungtlang, Myanmar chu Sangau-ah vawiin chawhnu khan man nghal a ni.
