Tunhnaia Aizawl Zonuam venga nuapang kumtlinglo chunga mipat hmeichhiatna na lam hawi hmansualna avanga thubuai chhuina kalzel ah, pawikhawih tu a rinhleh te thuzawhfiah na turin Lie Ditector hman a nih tur thu Aizawl SP C.Lalruaia chuan a sawi.
Thuthar lakhawm tute zawhna chhangin Aizawl SP C Lalruaia chuan pawikhawihtu nia rinhleh mante chu thlathar December thlatir ah Lie Ditector khawl hmangin thuzawhfiahna neih a nih tur thu a sawi a, Mizoram Police ten hetiang khawl hi kan la neih ve loh vangin Centre Forensic Science Delhi atangin an khawl leh mithiam mi 3 te chu Aizawl ah an lokal dawn tih sawiin. Hemi atan hian thil tihfel ngai tul te pawh tihfel a ni tawh tih SP chuan a sawi bawk, an tih hun tur ni chiah chu sawichian theih a ni lo a ni a ti. Hetiang anga thubuai chhuina a pawikhawih tu nia rinhleh mante thuzawhfiahna Lie Ditector khawl hmanga zawhfiahna hi Mizoram ah a tumkhatna a nih mai hmel nia a rin thu SP C Lalruaia chuan a sawi bawk.
Tarlan tawh angin Aizawl Zonuam venga Hmeichhe nuapang kumtlinglo chunga mipat hmeichhiatna hman khawlohna awm nia ngaih avanga thubuai chhuina kalzel ah hian hmeichhe naupang nu leh pa te hi man niin, Police custody ah thuzawhfiahna tum engemawzat neih a lo ni tawh a ni.
