Mizoram Police chuan a hnuai a mi ang hian mipuite hnena ngenna thuchah siam :
“Tun hnaiah Myanmar hmarchhak ramri hmun kilkhawr tak taka inbun, tunlai IT thiamna hmanga inbumna hrang hranga inhnamhnawih thin IT company thenkhat chuan IT sector-a hnathawh tur tha tak awm anga sawiin an thawhpui hna la thintute kaltlangin hmun hrang hranga India mi hnathawk tura bumin an la thin tih hriat a ni a. Chutianga India mi hnathawk turte an lak chu dan lovin leh lehkha pawimawh pawh awm mumal lova Myanmar ramah hruailuta awk in, dinhmun khirhkhan takah an din tir thin a ni.
“A chunga kan sawi takte ngaihtuah hian mipuite fimkhur taka hna la thintute chian hmasa tur leh finfiah hmasa thin turin kan ngen a, hna pek tura an sawi reng reng lo pawm fel hmain hriat tur mamawh zawng zawng, hnathawh tur sawifiahna te, company chungchang te, a awmna hmun te, thawh dan tur kal hmang te, etc. hrechiang hmasa phawt zel turin mipuite kan inchah a ni e,” tiin an tarlang.
