Mipuite fimkhur nan Mizoram Police in thuchhuah a hnuai a mi ang hian a siam :
Tunhnai khan mi pakhatin Facebook page “Hnaruak Post na leh Zawnna” tihah South Africa-a thla hnih chhunga tum khat kal a Rs 50,000 hlawh theih a ni tih post in, hna a zuar a. passport pawh an siamsak theih thu a post tel bawk.
Hemi chungchangah hian kum kalta khan mi tuten emaw tawhsual an lo tawh phah tawh a. South Africa-ah kaltirin bungrua, lehkhabu, food supplement leh thildangte South Africa atangin India-a phurh chhoh tir tura tih an ni. Mahse heng an thil kenah hian dan phal loh, heroin phumruk a ni tih finfiah a ni.
Hei vang hian Mizo thalai thenkhatte chuan man hial an tawh phah a, tunah hian Africa-a jail a tang mek pawh an awm a ni.
Mizoram Police chuan mipuite chu social media-a rin ngam loh thil post-te awih mai loa, uluk taka zirchiang phawt tur leh misualte buma awm lo turin a chah nawn a. Hetiang hria chuan cyber helpline number 1930 ah hrilh emaw www.cybercrime.gov.in leh Cyber Police Station Aizawl emaw Police Station hnai berah ziakin report tur a ni.
