Aizawl May 7 : Vawiin khan Vairengte chhuahlam mautui Zau a Pi Thangseii huanah Assam Police hma lak tum te chu helai hmuna Mizoram Police awm te leh thuneitu ten hmalak an tum phalloin an danga an kir tir.
Thudawn danin Mautui zau a Pi Thangseii huan bulah hian Assam sorkar School buildingah Assam Police te hi duty in, a bul lawka Pi Thangseii huanah chuan duty post an siam bawk a, a piah deuhah Mizoram Police te an duty ve bawk.
Vawiin khan Pi Thangseii huana an duty post panna kawng lai turin JCB nen Assam lam thuneitu te chu rawn thawkchhuakin, hei hi an hriat veleh Vairengte SDO (C) Nengthianlala hovin, SDPO Vairengte Lunghnema leh Vairengte -I khawtlang hruaitu te chu an thawkthla nghala, helai hmuna hma la lo tura an in hrilh hnu ah Assam lam pawhin hma la chhunzawm lovin an kir leh ta hrih a ni.
Mizoram Police te chuan hetianga thil a thlen hnu hian boruak duhawm lo a thlen loh nan helai hmun ah hian an in dah belh nghala, tun dinhmunah boruak duhawm lo thlengzui a awm rihlo nia hriat a ni.
Mizoram Police ten Assam Police te dangkir
Leave a Reply
-iOS Version