Dan phalloh thilte dona kawngah tha thlah lovin Police ten theihtawpin
hma an la zel a, a hnuaia tarlan ang hian Mizoram Police chuan ruihhlo leh
dan kalh thilte tunhnaiah a man :
1). CID (Crime) hnuaia Special Narcotics Police Station leh 225 Bn CRPF,
Aizawl ṭangho chuan August ni 9, 2025 khan Seling leh Bungbangla bawr
velah operation an nei a. Operation-ah hian Maruti Suzuki Alto K10,
AS10-D-9577 aṭangin Methamphetamine, Kg 3.930 a rit, ₹51,09,000 vel
man hu an man. He thilah hian a hnuaia tar lan mi pathumte hi man nghal an ni.
(i) Sahab Uddin (41) s/o Abdul Kadir, Kanishail, Karimganj District, Assam
(ii) Emanuel Remnalalliana (25) s/o Lamthanga, Hmuncheng, Khawzawl District
(iii) Lalbiaksiama (23) s/o Ramdinliana(L) Hmuncheng, Khawzawl District.
Special Narcotics PS Case No.24/25 Dt. 09.08.2025 u/s 22(c)/25/29(1) NDPS Act ziah luh a ni.
2). August ni 6, 2025 khan Champhai Police chuan operation an nei a, Heroin hawng 88, Kg 1.053 (gram 1053) a rit, ₹31,59,000 man hu chu Khankawn Checkgate-ah lirthei pakhat atangin an man. Chhui zuina aṭangin he ruihhlo thawntu hi Agnes Lalremsiami (32) w/o Lalramsiama, Vaphai khua a ni tih hriat chhuah a ni a. Amah hi man nghal niin Champhai PS Case No. 118/25 Dt.06/08/2025 u/s 21(c) NDPS Act, 1985 ziah luh a ni a, thubuai siamsak a ni.
3). August ni 1, 2025, khan CID (Special Branch) leh Special Narcotic PS ṭangho chuan joint operation neiin, Zemabawk leh Seling inkarah ruihhlo tawlh ruk an man. Joint Operation team te hian TATA Yodha Pick-up truck (MZ 01 X-5782), B.Lalthazuala (45) s/o T Johana, Republic Mual Vengthlang nia inchhal khalh chu uluk taka an en fiah hnuin a bungraw phurhna chhuat hnuaiah thil dahna thuhruk a awm tih hmuh chhuah a ni a, heta ṭang hian Crystal Methamphetamine Kg 20.304 a rit, vaibelchhe 300 man hu leh Heroin, Kg 1.625 (hawng 120), ₹49,56,000 man hu chu hmuh chhuaha man a ni.
Special Narcotics PS ah thubuai, Case No.23/25 Dt. 01.08.25 u/s 21 (c)/22(c)/25 ND&PS act 1985 ziahluh a ni. Thu zawh fiahna leh chhui zuina atangin a mawhphurtu ber nia hriat Bawilianthang (42) s/o Khuangling, Tahan C Group chu hemi ni vek hian hriat chhuaha man nghal a ni bawk.
4). August ni 1, 2025 khan Lunglei Police (District Special Branch) leh 20th Battalion Assam Rifles, Lunglei ṭangho chuan Lungpuizawl Veterinary Complex-ah joint operation an nei a. Heroin gram 220.81 (hawng 18), ₹662,430/- man hu leh mobile phone pakhat chu Champhai aṭanga Lunglei pan lirthei pakhat, MZ04-6761 -a chuang mi pakhat, Lalrintluangi (33) d/o Lalvuana, of Tuipui, Champhai nia inchhal hnen aṭangin an man a.
Hei bakah hian he lirthei a chuang tho mi pathum, Lalhlimawmi (44) w/o Lalhmingmuana, Zonuam, Lalhmingmuana (33) s/o Lianzika, Venglai, Lunglei leh Vanlalfeli (42), d/o Vanrammawia of Muallungthu, Aizawl District nia inchhalte hnen aṭangin Heroin gram 120.31 (hawng 10), ₹3,60,930/- man hu leh mobile phone pahnih an man bawk.
5). July ni 1, 2025 khan Champhai Police chuan Khankawn Checkgate-ah ruihhlo ṭum hnih an man. A ṭum khatnaah hian Heroin gram 167 (hawng 16), ₹.5,01,000 man hu chu Lalmuanawma (38), Lunglei Venglai leh K.Lalawmpuia (27), Hnahthial Lungleng Veng hnen aṭangin an man a. A hnuah Heroin vek, gram 364 (hawng 31), ₹.10,92,000 man hu chu C.Zoramhluna (29), Lalnunzira (34), leh Lalthanmawia (30) Chaltlang Lily
Veng, Aizawl vek nia inchhalte hnen aṭangin an man leh a ni.
6). July ni 28, 2025 khan Champhai Police leh CID (SB) tang kawp chuan inthurualin operation an nei a, dan lova ruihhlo tawlh ruk an man. He operation ah hian Heroin gram 440 (hawng 36), ₹ 13,20,000 man hu chu Kalpo Jyoti Borah (26), Lakhimpur, Assam leh Rajan Brahma (32), Itanagar, Arunachal Pradesh te kut atangin man a ni. Ruihhlo hi Tucson var, B/R no. AR-01S-1125 hnung lam kawngka chhunga pindan ruk
siama an thuhruk man a ni a, a lirthei pawh hi man nghal a ni.
