PC Party chuan vawiin khan thuchhuah siamin, “Federation of Mizoram Samagra Employee ( FEMSE) ten an Service leh an hlawh ennawn sak tura vawi engemaw zat Mizoram sawrkara an ngen thinna ten awmzia a neih theih loh hnuah Mizoram sawrkar kar nan leh an lungawi lohna lantir nana Mass Casual leave hmanga sawrkar an nawrzui hnuah Mizoram sawrkarin FEMSE te thil phut leh ngiat tihhlawhtlin sak inhuama an vehthlemna in awmzia a neih leh chuan si loh avanga FEMSE te lungawi lohna hi PC Party chuan awm kan tihpui takzet.
“Hetianga Mizoram sawrkarin a hnuaia thawkte lungawi lohna beng daih nàna dawt hmanga a vehthlem thinna hi Government employee te zah lohna leh palzutna lian takah PC Party chuan kan ngai a.Samagra hnuaia thawk te beiseina sang tak siam saka a tak ram thlenpui leh si lo Mizoram sawrkar hian a rang thei ang bera FEMSE ten an Service leh hlawh ennawn sak leh tura Mizoram sawrkar an beiseina hi a taka tihhlawhtlin sak ngei tawh turin PC Party chuan Mizoram sawrkar kan ngen a ni,” tiin an tarlang.
