Mizoram Sorkar din Boundary Committee atangin Congress party a inhnukdawk

Congress party chuan Mizoram sorkarin Boundary Committee a kalpui dan te, meeting a ngaihtuah tur Agenda chhawpchhuah a nih dan te leh Assam nena ramri chungchanga inbiakna a sorkarin Boundary Committee a ngaihthah leh si dan te a zir chian hnuin, Mizoram sorkar hnuaia Boundary Committee hi tel zelna tlakah a ngai ta lova. Chuvangin, Boundary Committee atangin a inhnuhdawk ta tih Sept 8,2022 khan Boundary Committee member Secretary, Commissioner & Secretary, Home Dept hnenah ziakin a thlen. Vawiin, Sept 9,2022 a Mizoram sorkar Boundary Committee thutkhawm (meeting)-a neihah pawh MPCC hian aiawh (representative) a tir lo a ni.

Congress party hian party chhungah Boundary Committee a neih sa hmangin Mizoram leh thenawm state te nena ramri chungchanga harsatna kan neih te hi uluk takin a enzui zel dawn a ni.