Mizoram State Health Care Society thuchhuak hmasa (vide No.F.13013/1/2018- HFW/MSHCS dt. 30th September, 2024) in a lo tarlan, Mizoram State Health Care Scheme policy kal lai mek pawhsei chhunzawm tura thuchhuah a lo siam tawh chu mipui te harsatna sutkianna turin Sawrkar chuan Health Care Scheme thla 6 chhung (1st October, 2024 – 31st March, 2025) dam turin a duh apiang tan a thara inziahluhna hun a hawng dawn a. He thuchhuah thar hian thuchhuah hmasa (No.F.13013/l/2018-HFW/MSHCS dt. 30th September, 2024) chu a lan (Supersede] ang.
A hnuaia tarlan ang hian Mizoram State Health Care Scheme (1st October,2024 – 31st March, 2025) chu kalpui tur a ni ang-
1. Inziaklut thei te:
Sawrkar hnathawk, Sawrkar-a MR bill thei emaw Sawrkar hnathawkin a chenpui Sawrkar-a MR a bill sak theihte chu Mizoram Health Care Scheme hnuaiah hian inziahluh phal a ni lova, Sawrkar-a MR bill theilo zawng zawngte chu he Scheme hnuaiah hian an inziaklut thei ang. Sawrkar hnathawk March Ni 31, 2025 hmaa pension tur te tan erawh a inziahluh theih thung ang.
2. Hamthatna dawn theih zat:
MSHCS hnuaia inziaklutte hian damdawiin a an inenkawlna senso chhungkaw khatin 2024- 2025 policy (October 2024 – March 2025] atan Rs.1,00,000/- thleng an bill thei ang. Chhungkaw member zat bituk a awm lova, Ration Card nen erawh a inmil tur a ni a. Ration Card nei lo tan pawh inziahluh theih tho a ni.
3. Inziahluh man:
Thla 6 dam tur inziahluh man hi Ration Card mila siam a ni a, chung te chu: –
i. AAY (Card eng) nei tan Rs.100/-
ii. PHH (Card pawl) nei tan Rs.500/-
iii. Non-NFSA (Card var) nei tan Rs.1,000/-
iv. Ration Card nei lo tan Rs.1,000/-
4. Inziahluh hun chhung:
Inziahluh hun chhung hi November Ni 30, 2024 thleng hawn a ni ang. October Ni 1, 2024 chin hnulama damdawiin a in admit te chuan Health Care hmanga an bill dawnin enrolment thar an hman a ngai dawn a ni.
5. Inziahluh theihna hmun:
Heng a hnuaia tarlan ah te hian inziahluh theih a ni ang: –
i. Mizoram State Health Care Society Office, Dinthar, Aizawl.
ii. District Health Care Society Office-ah emaw Senior CMO in ruahmanna a siam angin – MSHCS District Co-ordinator ten inziahluhna an kalpui ang. Enrolment form a Authorized Seal & Signature ah District Co-ordinator a ni ang.
iii. SDH/CHC/PHC-ah: Heng damdawiin a thuneitu ten (SDMO/Senior MO/MO etc.) inziahluhna kalpuitu tur leh kalpui dan tur ruahmanna an siam ang. Damdawiin hmun a ziahluh chin chu Enrolment form a Authorized Seal & Signature ah Medical Officer a ni ang. Sub-Centre a inziahluhna kalpui tura Medical Officer in ruahmanna a siam a nih chuan Sub-Centre a inziaklut tan Authorized Seal & Signature ah Health Worker a ni ang.
iv. Aizawl khawchhung Sub-Centre tinah, Authorized Seal & Signature ah Health Worker a ni ang.
v. Damlo admit ngai la inziaklut ve hmanlo te tan inziahluh hun hawn anih chhung (November Ni 30, 2024 thleng) hian damdawiin luh dawnah a chunga inziahluh theihna hmun tarlanah te a tlachawpa inziahluh (spot enrolment) theih a ni ang.
