Kum 1 leh ni 562 zet a liam hnu-ah Mizoram ah Covid-19 vei mek kan awmlo ve ta.
January ni 20, 2020 khan China atanga passenger lo haw te Lengpui Airport-ah screening tih tan a ni a, chawlh awm lovin hmalakna chak taka kalpui chhoh a ni a, heti anih lai hian March ni 24, 2020 ah Covid-19 Positive hmasa ber pakhat kan nei ve ta a, May ni 5, 2020 ah enkawl dam hmasa ber ni turin dam takin damdawiin atangin a chhuak leh a ni.
Hemi hnu ni engemaw chen chu Positive enkawl lai leh a thar kan neih belhloh hnu in June ni 2, 2020 ah positive 12 kan neih belh leh a, hemi hnu atang hi chuan Positive enkawl lai kan nei chho ta char char a, ni 927 alo liam meuh chuan Mizoram ah positive enkawl lai kan nei ta lo a ni.
Tun dinhmun kan thlen theihna tura sawrkar leh mipuite thawhho thatna leh thuawihna avangte in Dr.Pachuau Lalmalsawma, Spokesperson, Covid-19, Mizoram chuan lawmthu a sawi a, naktuk leh mai dinhmun hriat ni lo mahse, hetiang ang hun kan tawn avangin lawmthu a sawi a ni. Mipuite, heng kan thil tawn leh kan lo invawn thianghlim a, hrileng laka kan lo him zel theih nan, tan la zel turin a sawm bawk ani.
Covid-19 Mizoram dinhmun thar ber chu hetiang hi a ni:
Sample test tawh zawng zawng zat 19,92,528
Positive hmuhchhuah tawh zat 2,38,964
Dama chhuak awm zat 2,38,238
Thihpui awm zat 726
Vei mek awm zat NIL
December, 2022 thla chhungin Samples 754 test tawh a, positive 10 hmuhchhuah thar a ni a, mi 18 enkawl dam an awm tawh bawk.
