Aizawl 16th May 2022: A hnuaia tarlan ang hian Food, Civil Supplies & Cosumer Affairs Director, Pi Ramdinliani chuan POL chungchang hriattirna a chhuah.
Assam leh Meghalaya chhunga hmun thenkhatah tuilian leh leiminin rel kawng leh national highway te a tihchhiat avangin ram chhungah POL, a bikin petrol, chawkluh a khaihlak thei dawna hriat a ni a. Ramchhungah petrol khaihlak avanga Sawrkar leh mipuite’n harsatna lian zawk tawk lova petrol mamawhtute’n rualkhai zawka an chan theihna’n ‘The Mizoram Trade Articles (Licensing and Control) Order, 1987′, para 24 leh 25-in thuneihna min pek angin a hnuaia khuahkhirhna hi siam a ni. Petrol pump-te’n a hnuaia tarlan ang hian petrol mamawhtute hnenah an pe chhuak tur a ni.
| Sl No. | Type of vehicle | Quantity of MS allowed for one-time issue |
| 1. | Two-wheeler (Scooty) | 3 litres |
| 2. | Two-wheeler (motorcycle) | 5 litres |
| 3. | LMV | 10 litres |
Tun dinhmunah HSD (Diesel) chu khuahkhirh a ni lo. Tihdan pangaiin, petrol pump te’n an stock position hi Deputy Director (G), FCS&CA (Ph: 9436198916) emaw Supply POL Report Group WhatsApp ah nitin dar 9:00 AM ah report an thehlut thin ang. Stock hi (dead stock tel lovin) MS ah 5000 ltrs leh HSD ah 10,000 ltrs-a a tlakhniam chuan FCS&CA Department hriatpuina leh phalna lovin pekchhuah tawh loh tur a ni.
He Order hi Joint Controller,Legal Meteology leh DCSO te’n an bial chhungah khauh takin an kengkawh anga, dan lova (black-a) POL zawrh a awm leh awm loh an vil reng bawk tur a ni.
