Mizoram sorkar chuan Health Department hnuaiah Covid-19 RAgT test kit 7,48,605 supply tawhin cheng vaibelhchhe 9.95(Rs.95,332,819/-) hmanral a nih tawh thu a sawi. RTI hmanga a zawhna chhangin sorkar chuan, Mizorama Covid-19 RAgT test kit chu manufacturing company, SD Biocensor, Gurugram, Haryana te hnen atanga lei a nih thu leh mimal atanga lei a awm lo, an ti a. Mizoram sorkar hnuaia Covid-19 RAgT testing kit hi mimal supply a awm lo thu an tarlang bawk a ni.
Mizoram sorkar hnuaia Covid-19 RAgT Testing Kit supply tute hian kum 2021-2021 chhungin Rs 459.20/test kit leh Rs 168/test kit in an supply a. Kum 2021-2021(till September, 2021) chhungin Rs 100.80/test kit leh Rs 65/test kit te in an supply a ni. Rate hi company lam atanga a danglam ang zelin Government Approval hmanga lei a ni.
Mizoram sorkar hnuaia Covid-19 RAgT Testing Kit supply tute hian cheng vaibelchhe 5.99(Rs. 59,978,912/-) bill an la tawh a, cheng vaibelchhe 3.5(Rs. 35,35,907/-) pending ala awm awm tih sorin RTI an chhanna atangin tarlan a ni.
