Aizawl South I bialtu MLA C.Lalsawivunga chuan a bial chhunga kum 75 tlingte hnenah kristmas present atan blanket a pe.
C Lalsawivunga hian a bial chhunga kum 75 tling chin mi 780 hnenah blanket semin, krismas duhsakna a hlan nghal a ni.
Kum upa-te hnena blanket pek kawngah a bial chhunga MUP-te’n lo buai pui a, an lo ṭanpuina kawngah Aizawl South I huam chhûnga MUP unit tin hruaitute hnenah Pu C.Lalsawivunga chuan lawmthu a sawi a ni.
Aizawl South I bialtu MLA C Lalsawivunga chuan, a bial chhungah kum upa eng emaw zat an awm chu lawmawm a tih thu leh kum upa-te chu an thlamuanpuiawm thu a sawi a. Kum 75 dam tlinga an awm thei chu Pathian malsawmna a nih thu sawiin, kum upa an nih avanga inkiltawih mai lova an tawn hriatte atang pawha khawtlang leh ram tan thurawn pek hreh lo tura chahin, krismas leh kumthar chibai a buk bawk a ni.
