Vawiin khan Aizawl North-I bialtu MLA Pu Vanlalhlana chuan Durtlang North-a Mission Foundation Movement Complex-ah Mission Foundation Movement ten ar note leh a chaw an semna hunah bialtu MLA a nih angin hun a hmanpui.
He hunah hian Pu Vanlalhlana chuan thusawiin, “Mission Foundation Movement ho hmalakna hi a ropuiin khawtlang leh ram tana in hnathawhte hi a chhuanawmin fak in phu hle a ni,” a ti a. “Ar note dawngtu zawng zawngte taima leh rinawm taka malsawmna in dawnte tipung tur leh hlawhtling taka vulh puitlin ngei turin duhsakna ka hlan bawk che u a ni,” a ti bawk
He ar note leh a chaw semna hun hi Mission Foundation Movement Director Pu R.Vanlalzauva’n a kaihruai. Ar note hi chhungkaw 100 hnenah sem a ni.
