Special Assistance to States for Capital Investment (SASCI) sum cheng vbc 233 chuang ZPM sorkar ti luangral lapse anga, eptu Party MNF ten an puhna ah ZPM Legislature Party chuan nimin khan media hmaah MNF Legislature party te common platform neia sawihona neihpuiah an cho na chu vawiin khan MNF Legislature party chuan chhanna ziakin an pe.
Nimin lamah Zoram People’s Movement ZPM Legislature Party hian an Secretary MLA TBC Lalvenchhunga hmingin ziakin SACI sum luangral lapse chungchang chu Press conference hmanga thu inchuh avangin mipui kan tihhrilhai hle tih an thuziak ah an tarlang a, hemi chungchangah hian mipuiin thil nihphug dik tak an hriattheih nan, Media hmaah common platform hmanga sawihona neih tha an tih thu Mizo National Front MNF Legislature party hnenah hian an thlen a, vawiina MNF Legislature party ten ziaka an chhanna an Secretarty MLA Er. Rohminga’n a thehluhna ah hian MNF Legislature party chuan democracy ropuina leh Legislature te zahawmna vawnhim tul kan ti a, Media kaltlanga common platform ni lovin, Legislative Assembly House ah ngei Special Assembly Session ko a, ZPM sorkar inthlahdah na a vanga, SASCI sum cheng vbc 233 chuang zet luangrual lapse ta hi sawiho ngei tha an tih thu ZPM Legislature party hnenah hian an thlen a ni.
