MNF leh Congress te MADC mipui zah lo ah puh

BJP Mizoram Pradesh President Vanlalhmuaka chuan Mara mipuite’n MNF emaw Congress ah emaw rinna an nghat tawh lova, mipuite duhthlanna (Mandate) neitu chu BJP Party a ni tih Seat lak dan a?angin a chiang tawh a. Mipuite duh dan lovin Seat tlemte chauh hmu Congress Party atanga Chief Executive Member (CEM) dah a nite hian lalna chauh atchilha politics an kalpui dan a tarlang a ni, a ti.
Vawiin khan BJP office ah lawmluhna leh Political Session neih niin Vanlalhmuaka chuan BJP in hmasawnna an hmu zel a, MADC ah Politics virvel nasa takin a awm mek a, chutah chuan MNF Party Pu Zoramthanga kaihhruai leh Congress Party Pu Lalsawta kaihhruai, (a phena Pu Lalthanhawla awm tlat) te chu in mawngzawm in Mizoram Politics-a a vawikhat nan an thawk dun ta. Party hian nih chhan leh din chhan kan nei ?heuh a, nimahsela heng Party pahnihte erawh chuan kal dan phung mumal nei lovin, Lalna leh Thuneihna chiah duh annih zia alang chiang hle a ni.
MADC Election hma-a Union Minister Pu John Barla-in Mara mipui te a chah chu, Hmasawnna (Development) Party nge in thlan dawn Corruption Party tih a sawi a, tun hunah hian Mara mipui te chuan MADC ah Development Party BJP ah beiseina neiin, BJP chu Party mala seat tam ber min pe ta a ni. Development beiseiin mipui chuan Mara ram hmasawnna an duh ang tun hunah heng Party pahnih Mizoram-a Party in hal ber te hian tih hlawhchham an tum mek a, nimahsela Mara mipui te, MNF MDC leh Congress MDC te hian MADC-a Central in Development pek an tum hi an duhpui ve ngei dawn a, Sorkarna hi BJP te kutah heng MDC thenkhat te pawh hian pek an duh ngei ang, a ti. Inthlan lai a?angin MNF leh Congress chuan BJP chu an beih ber kan ni tawh a, mak deuh mai chu MNF Worker te chuan anmahni Party Candidate an vote theih loh chuan Congress vote turin an hrilh a, Congress pawhin chutiangin Congress Candidate an vote thei loh chuan MNF Vote turin an lo ti daih tawh a ni, a ti.
Dr BD Chakma MLA, State Vice President pawhin thusawina hun neiin, BJP in MDC Member 12 lai kan nei hi a lawmawm hle a, hei hian Mizoram mipui te’n BJP ah beiseina thar an nei ani tih a en tir a ni, a ti. Tuna Sorkarna siam tum mek te hi Sorkar Thianghlim lo leh bawlhhlawh tak atanga siam ani a, hei vang hian Sorkar an siam anih pawhin rei tak an kal thei dawn lo a ni, achhanchu Assembly House ah pawh heng Party te hi in beina ber leh hmelma lian ber an nih vang ani a, heng zawng zawng hi Politics chhia in a hrin a ni, a ti.