Vawiin May ni 17, 2022 ( Thawhlehni) chawhnu dar 1:00 khan PC Party chuan Office Bearers meeting an President Lalhmangaiha Sailo kaihhruaiin PC Party Office Treasury Square – ah an nei a. He hunah hian Pu Lalhmangaiha Sailo chuan, ” Mizoram Engineering Service Association ( MESA)- in May ni 14, 2022 – a Berawtlang Multipurpose Hall – a Golden Jubilee an lawmnaa hmanpuitu Chief Minister Pu Zoramthanga’n Mizoramah kawlphetha lamah theihna la hai chhuah loh a awm thu a sawi chhuak kha lawmawm ka ti hle a.
“Kum 30 liam tawhah khân Brig.T.Sailo-a kaihhruai PC sawrkar khân Mizoram chhunga kan luipui luang then khatah kâwlphetha siam chhuah theihna kawng an lo zawng chhuak tawh a. Vanduaithlak takin PC a sawrkar loh aṭang kha chuan kawlphetha siam chhuah lama hmalakna a awm mumal ta lo hle a. Mizoram chu India rama kawlphetha nei chau berte zinga mi kan la ni ta rih a, a pawi hle a ni.
“Amaherawhchu, kawlphetha siam chhuah nan hian kum tam tak hlauh tawh mah ila, kan ram hruaitu lû ber in kawlphetha siam chhuah theih na tura kan ramin theihna a neih thu a auchhuahpui ta hian beiseina sâng tak min neih tir a, he kan ram mamawh hnukpui ber tihlawhtling tura PC Party hmalak chhoh zel na hi hlawhtling taka hlenchhuah a nih theih nan Mizo mipuite thawhhopuiah ka sawm thar leh a ni,” a ti bawk
